කවුරු හරි මගෙන් ඇහුවොත්
ආදරේ කරන කෙනා එක්ක යන්න ආසම කොහෙද කියලා
දෙපාරක්ම නොහිතම මං කියනවා
මං ආදරේ කරන කෙනා එක්ක යන්න ආසම නුවර කියලා
නුවර කියන්නෙම ප්‍රේමණීය නගරයක්
ඉතිම් මං ආසයි
හීන් හිරිකඩ වැටෙන ලස්සනම දවසක ඔයා එක්ක නුවර යන්න
සුදු නෙලුම් මල් පොකුරක් අරගෙන ඔයත් එක්ක දළදාව වදින්න
මාලිගාව වැදලා හැම ආත්මෙම ඔයාව විතරක්ම ඉල්ලන්න
නෙත් බෝධිය ළගට ගිහින්
හිතේ විශ්වාසෙන් ප්‍රාර්ථනා කරන්න
නුවර වැව අයිනට වෙලා මන්දාරම් අහස දිහා ඔහේ බලාගෙන ඉන්න
රොබරෝසියා වැටුනු පාරවල් දිගේ
ඔයාගෙ අතින් අල්ලගෙන ඇවිදන් යන්න
වැව රවුමෙ තියන පුංචි බංකුවක වාඩිවෙලා ඔයාගෙ උණුහුම විදින්න
ආදරෙන් එහා මෙහා යන ප්‍රේමවන්තයො දිහා
ඔයා එක්ක ම බලාගෙන ඉන්න
පේරාදෙණියට ගිහින් අපි දෙන්නගෙ ලස්සනම මතක
ගැලරියට එකතු කර ගන්න
ඉතිම් මං ආසම
ඉමක් කොනක් නැතුව පේන නුවර අහස යට
මගේම කියලා දැනෙන ඔයා එක්ක
එකම එක දවසක් හරි නිදහසේ හුස්ම ගන්න
✍️ නෙතූ ගුණවර්ධන
ඒ වචන ගොඩක් ලස්සනයි. ඔයාට ගොඩක් ලස්සන අදහස් තියෙන්නෙ නංගි. දිගටම මේවගේ ලස්සන වැඩ ඕන. 💗
ReplyDeleteගොඩක් ලස්සනයි ❤️
ReplyDelete